CURSU D’ASTURIANU ON LINE PA LA CIUDADANÍA
30/05/2014

L'Institutu Asturianu d'Alministración Pública Adolfo Posada (IAAP) incorpora al so programa de Formación abierta a la ciudadanía los materiales didácticos del cursu «Falar y más falar. Llingua asturiana I».

D'esta miente, les persones interesaes pueden matriculase de manera gratuita y acceder a los conteníos del cursu, que recueye los rudimentos y normes básiques de la escritura correcta del asturianu, faciendo posible un acercamientu prácticu al so usu n'ámbitos cotidianos: el trabayu, el mediu urbanu, la comida, el mercáu, los viaxes, les tecnoloxíes nueves...

Si quies saber más sobre les característiques d'esti programa formativu, equí pues descargar la Guía de Formación Abierta.