La Dirección Xeneral de Política Llingüística, dependiente de la Conseyería d'Educación, Cultura y Deporte (Decretu 4/2012, de 26 de mayu, de Reestructuración de les Conseyeríes qu'integren l'Alministración de la Comunidá Autónoma) tien la competencia en materia de política llingüística pal asturianu y pal gallego-asturianu, correspondiéndo-y ente otres la planificación, execución y coordinación con otres alministraciones de programes que normalicen socialmente dambos, amás d'exercer les funciones que competen a la Conseyería cola Xunta Asesora de Toponimia.

De la Dirección Xeneral de Política Llingüística depende directo'l Serviciu de Política Llingüística, qu'executa, coordina con otres alministraciones, controla y evalúa los programes que garanticen y normalicen socialmente l'asturianu y gallegu-asturianu, amás de les funciones necesaries pa la so protección, promoción y difusión. Amás, el Serviciu de Política Llingüística encárgase de garantizar la exactitú y la equivalencia xurídica de les traducciones ente l'asturianu o gallego-asturianu y el castellanu, apurriéndo-y a l'alministración pública los servicios de traducción, interpretación y terminoloxía.

Pa cualquier comunicación cola Dirección Xeneral de Política Llingüística o el Serviciu de Política Llingüística puen dirixise a:

Conseyería d'Educación, Cultura y Deporte del Principáu d'Asturies, c/ Eduardo Herrera, "Herrerita", s/n,  3.ª  planta, 33006 Uviéu

Teléfonu: 985 10 67 41 Corréu electrónicu: opll@asturias.org