La Xunta Asesora de Toponimia del Principáu d'Asturies ye un órganu dependiente de la Conseyería d'Educación, Cultura y Deporte, que s'ocupa de tolo relativo a la recuperación y normalización de los nomes tradicionales de los llugares d'Asturies. Na so etapa actual, la Xunta Asesora de Toponimia constituyóse nel 2004 y celebró la so primer sesión de trabayu en mayu d'esi añu. D'entós p'acó protagoniza, xunto colos Ayuntamientos, un llabor históricu al cumplir l'oxetivu de convertir n'oficiales los topónimos de los Conceyos d'Asturies.